Mieres
Brindamos xuntes por un feminismu que ye de toes y pa toes. 
Un feminismu que ñaz nes cais, nes fábriques, nos llares, nes escueles, nes galeríes, nes oficines, nos talleres, n’estudios… 
Un feminismu «que da tira», que nun dexa atrás a naide, qu’abraza cada lletra, cada identidá, cada llucha.
Brindamos polos drechos conquistaos y polos qu’enta peleamos. 
Pola sororidá que nos xune y nos fortalez. 
Pola xusticia social, pola equidá, por un mundu onde cada persona viva llibre d’opresión y nel que’l miéu camude de bandu. 
Esti brindis ye pol feminismu que nun invisibiliza, que suma y tresforma. Porque xuntes a picu y pala, somos imparables. 
