La brecha o fienda del empléu por xéneru d’Asturies ye la más equitativa d’España. La distancia na tasa d’ocupación d’homes y muyeres nel Principáu ye asemeyáu a los países nórdicos.
- Fonte: La Voz /
Mientres años, Asturies destacó como la comunidá con mayor fienda de xéneru nos sueldos, ye dicir que la media salarial de les muyeres difier enforma de la media masculina n’Asturies, y ye esencialmente porque’l sector industrial tien meyores convenios y ta bien masculinizado ente que sectores de servicios, como la llimpieza, tán bien feminizados y son bien precarios. Pero al empar, Asturies ye la comunidá que tien la situación de mayor igualdá, casi una equidá plena, nel porcentaxe d’homes y muyeres que tien empléu.
La situación d’atopar trabayu o tar nel paru ye prácticamente igual para homes y muyeres n’Asturies, destaca non yá respectu al restu de la península, la tasa equitativa del Principáu ta al nivel de los países nórdicos, les sociedaes escandinaves, les más igualitaries d’Europa. Asina lo revelen los datos d’Eurostat. Nellos indícase que la tasa d’empléu de los asturianos ye del 68,3% y la de les asturianes ye del 63,5%, la diferencia ye d’apenes 5 puntos.
Magar tener un gran pesu de la economia de servicios, esa brecha o fienda de xéneru nel empléu ye tamién mayor que l’asturiana en comunidaes como Madrid (79% homes y 71% muyeres) o Cataluña (78% homes y 71% muyeres).
Asturies tien una tasa d’ocupación menor qu’otres comunidaes, en parte porque un ampliu porcentaxe de la so población ye bien mayor, ye un territoriu bien avieyáu y, sicasí, esto derivó n’una fienda de xéneru nel empléu única na península por ser la menor.
