La cultura sidrera asturiana ta a piques de recibir un reconocimientu mundial. Esti miércoles, 4 d’avientu, a partir de les 18.30 hores, la UNESCO va anunciar dende Asunción, Paraguái, si la nuestra tradición sidrera ye declarada Patrimoniu Cultural Inmaterial de la Humanidá 
-
N’Asturies, distintos edificios emblemáticos tan illuminándose de verde n’apoyu a la candidatura de la Cultura Sidrera Asturiana, simbolizando la esperanza de llograr esti reconocimientu y el color de la señalada botella.
-
La conseyera de Cultura, Política Llingüística y Deporte, Vanessa Gutiérrez, acompañada del director xeneral de Patrimoniu Cultural, Pablo León, formen parte de la delegación española que va defender la candidatura de la Cultura Sidrera Asturiana a Patrimoniu Cultural Inmaterial de la Humanidá, col embaxador d’España ante la UNESCO, Miguel Iceta, y el secretariu d’Estáu de Cultura, Jordi Martí, a la cabeza.
