Güei recuéyense nel BOPA los estatutos nuevos de la Universidá d’Uviéu, que como nes versiones anteriores garantiza’l derechu a emplegala en tolos ámbitos ensin carecer discriminación por ello, asina como compromete a la universidá asturiana a poner en marcha polítiques de normalización, desendolcu, enseñu ya investigación.

Artículu 7. La Universidá y Asturies.

• 1. La Universidá d’Uviéu, como Universidá pública asturiana, va empobinar de manera relevante les sos actividaes a la realidá y l’ámbitu d’Asturies.
• 2. La llingua asturiana va ser oxetu d’estudiu, enseñanza ya investigación nos ámbitos que correspuendan. Coles mesmes, el so usu va tener el tratamientu qu’establezan l’Estatutu d’Autonomía y la lexislación complementaria, garantizándose la non discriminación de quien la emplegue.
• 3. La Universidá d’Uviéu va promover, nel marcu de les sos competencies, les acciones y polítiques universitaries que sían necesaries para la normalización y desenvolvimientu de la llingua asturiana.