El llunes 6 de xineru, coincidiendo col 38 aniversariu de la fundación de Dixebra Rock n’Asturianu, va publicase l’audiu inéditu y semeyes d’esti conciertu únicu. L’AMCA va asoleyar el conciertu del X Aniversariu de Dixebra.
El próximu llunes, 6 de xineru, coincidiendo col 38 aniversariu de la fundación de Dixebra, l’Archivu de la Música Contemporánea Asturiana (AMCA) va asoleyar un documentu inéditu hasta agora. Trátase de la grabación del conciertu-fiesta que la banda avilesina ufiertó por cuenta del so X Aniversariu.
En 1997 cumplíense los diez años de la creación de Dixebra y la formación decana del Rock Astur entamaba nel Polígonu Deportivu de Les Vegues (Corvera) un espectáculu especial y irrepetible. Lo acontecío aquel día foi muncho más alla d’una simple actuación, collaborando con ellos la compañía teatral Tres Ruedas, los Sidros de Valdesoto o’l colectivu viedográficu Bebés Furiosos, amás de la Banda de Gaites Tabladar, Tina Cuadriello (Balandrán) o Ángel Ruíz (Skitarna), siendo la primer vez qu’incorporaren una sección de vientu a la formación, momentu en que quedó incorporada de siguío a ella.
El documentu sonoru que l’AMCA va dar a conocer ye una grabación inédita qu’inclúi’l conciertu enteru y que foi dixitalizada y tratada pol actual guirarrista de Dixebra Rubén Álvarez. Nella recuéyense un total de trenta temes, con cantares míticos como «Merucu Xusticieru», «Xuacu xinta xorra», «Movidina uviedina», «Pallabres vieyes», «Tolos cartelos» o «Nun puxa», amás d’otros mui poques veces interpretaos en directo. L’audiu complétase con un reportaxe fotográficu al cargu de Xurde Margaride, que supo capturar lo vivío naquella nueche.
Como responsables de la grabación pal futuru DVD va tar xente cercano del grupu, y que cuenta col enfotu de la banda de va tiempu, asina de la parte sonora va encargáse Sergio Rodríguez y Kaki Arkarazo; el primeru bien conocíu na escena musical asturiana polos sos munchos trabayos n’estremaos estilos y responsable de Tutu Estudios, el segundu prestixosu productor musical vascu (Kortatu, Negu Gorriak, Nación Reixa, Amparanoia); mientres que de la cuestión visual l’encargáu va ser el xoven realizador Guillermo Fernández, autor de los últimos últimos video-clips. de la banda.
