– La orquesta asturiana tamién va actuar el día 17 de xineru nel Auditoriu Príncipe Felipe d’Uviéu
– El programa musical de la orquesta asturiana combina la riqueza melódica de Grieg cola intensidá de Shostakovich.
La Orquesta Sinfónica del Principáu d’Asturies (OSPA) va interpretar esta selmana’l so tercer conciertu d’abonu de la temporada 2024-2025 col programa Rusia Sieglu XX. La actuación va facese’l 17 de xineru nel Auditoriu Príncipe Felipe d’Uviéu.
- Fonte: Actualidad Asturias / OSPA: web / Facebook / Instagram /
- Nuno Coelho, director @nunocoelhoconductor / Sir Stephen Hough, piano
- Grieg Concierto para piano en la menor, op. 16 / Shostakovich Sinfonía nº10 en mi menor, op. 93
Cola batuta del director titular y artísticu de la OSPA, Nuno Coelho, los conciertos van cuntar cola participación del reconocíu pianista Sir Stephen Hough, con una carrera internacional destacada qu’abarca la interpretación, la composición y la escritura.
El programa pa Uviéu y A Coruña incluye’l Conciertu pa pianu en la menor, op. 16 d’Edvard Grieg, una obra famosa pola so riqueza melódica y les sos referencies evocadores al folclor noruegu. La segunda parte va tar dedicada a la Sinfonía n.u 10 en mi menor, op. 93 de Dmitri Shostakovich, una composición de gran fondura emocional que reflexa los desafíos y les esperances del sieglu XX.
Primero del conciertu na capital asturiana, Nuno Coelho va tener un alcuentru col públicu na sala de Cámara del Auditoriu Príncipe Felipe. Va ser esti vienres, 17 de xineru, a les 19.15 hores.
N’Uviéu, les entraes van tar disponibles na taquilla del Auditoriu Príncipe Felipe, de 09.30 a 14.00 hores, y el día del conciertu, de 17.00 a 20.00 hores. Los precios son de 24 € pal patiu y 21 € pal anfiteatru.
