» Yá hai unanimidá de los modelos meteorolóxicos,
esta selmana sedrá ivernal
con nevaes copioses pela cordelera.»
esta selmana sedrá ivernal
con nevaes copioses pela cordelera.»
- Alborecemos col cielu mui nuboso ya con raches de vientu mui fuertes que superen los 100km/h en puntos del llitoral y zones altes de montaña. Les temperatures altes por mor del vientu ábrigu alrodiu de los 15ºC, rexistrándose nel puirtu Payares 0,5ºC.
- Güei la llegada d’una borrasca atlántica va empobinanos vientu ábrigu mui fuerte, sobre too en zones altes ya en puntos del llitoral, amás va dexanos mui mala mar y un ascensu de les temperatures por mor del efeutu foehn que fae al pasu pela cordelera. Yá al escurecer un frente asociáu a la borrasca va dexanos precipitaciones xeneralizaes en toa Asturies, mentantu na fastera surocidental y cordelera les precipitaciones van dase durante tol día.
- Mañana llunes l’aire va pasar a ser gallegu faciendo que baxen les tempereatures ya tengamos xarabatos intermitentes sobre too na metá ocidental d’Asturies y llitoral siendo menos probables na oriental, la cota de nieve baxará al finar el día sobre los 700m con unes temperatures en descensu con mui mala mar ya con raches de vientu que seguirán siendo mui fuertes en zones altes ya en la costa.
- Nel alborecer del martes la nieve va tar presente perriba de los 500m anque les precipitaciones nun sedrán mui abondoses con xarabatos dispersos que sedrán más abondosos na fastera ocidental y llitoral, asina y too van dase tamién nel restu d’Asturies, nun sedrá hasta l’atapecer del miércoles cola entrada de vientu norte cuando se xeneralicen les precipitaciones asina como les nevaes pela cordelera que puen ser copioses perriba de los 1000m, situación que va caltenese’l xueves dexándonos una cordelera con más de mediu metro nieve que fadrá que reabran les estaciones d’esquí asturianes.
Los siguiente díes l’anticiclón va dir ganando terrén y les xelaes van dase nes zones más favoretibles, situación perbona pa que se caltenga la nieve na cordelera pero esto yá lu diremos viendo.
