- Fonte: LNE / El Comercio /
Solidaridá, empatía y respetu. Estos son los valores qu’acaldía’l profesoráu del colexu Carmen Ruiz-Tilve, de La Corredoria, inculca a los sos alumnos. Amuesa d’ello ye que mientres les últimes selmanes estudiaron el llabor d’ocho persones ya instituciones que con un solu xestu dexen una gran buelga na sociedá y, ayeri, homenaxáronlos coincidiendo col Día de la Paz. Foi mientres un actu presidíu pola cronista oficial d’Uviéu, que da nome al centru y arguyecióse d’amadrinar una actividá exemplar».
Condució l’actu Mercedes Fernández, tutora de segundu de Primaria B, quien reivindicó que les actividaes de caúnu de los premiaos conviden «a cavilgar». Unu de los ganadores foi’l cantante Rodrigo Cueves porque «apuesta por construyir una sociedá más inclusiva y tien capacidá de conectar con distintes xeneraciones al traviés del humor y la música», reconoció-y el xuráu.
El cantante nun pudo allegar pos s’atopa de xira en Chile, pero grabó un vídeu nel que s’amosó «bien sosprendíu y estimosu» por esta reconocencia, que recoyó la so madre, Yolanda González. «Ye bien importante que los alumnos sepan que la paz nun ye namá que nun haya guerres; ye l’ausencia d’acoso, tener garantizaos los derechos humanos y l’accesu a la cultura», dixo’l cantante nel so mensaxes antes d’anunciar que se va atopar colos alumnos n’otra ocasión.
L’otru premiáu foi’l Movimientu Asturianu pola Paz, una institución que surde en 1991 coles mires d’ayudar de forma independiente a espublizar la paz. L’encargáu de recoyer el galardón foi’l so presidente, Alberto Hidalgo, quien reivindicó que la paz «ensin el desarme ye prácticamente una utopía».
La ceremonia tamién sirvió para homenaxar a otros seis persones ya instituciones que fueron nomaos. Ente ellos, Gonzalo Míguez, coordinador de Protección Civil, quien s’amosó por demás emocionáu porque «siempres procuré tener un compromisu importante cola sociedá y los más desfavorecios».
Tamién galardonaron a Iñaki Zubizarreta pol so llabor lluchando contra l’acoso escolar, a Protección Civil de Piloña, la Rede Europea de Llucha contra la Probeza y l’Esclusión Social, el Frida Club de Fútbol Femenino y el Centru Nacional d’Educación nel Deporte.
Día de celebración y de formación nel colexu Carmen Ruiz-Tilve, qu’acoyó la entrega de los Premios pola Paz, na so séptima edición. Amadrinaos pola escritora, caderalga y cronista oficial d’Uviéu, Carmen Ruiz-Tilve, los galardones busquen «formar ciudadanos con valores». Rodrigo Cueves y Maspaz fueron los premiaos.
El xuráu estremó al cantante y compositor asturianu pol so compromisu colos derechos del colectivu LGTBIQ+ y la defensa de les tradiciones y folclore del Principáu. «Consolidóse como una de les figures más emblemátiques na defensa de los derechos humanos, llogrando xunir xeneraciones y tresformar la sociedá dende la cultura y la música, fomentando la paz», apuntó. De xira en Chile, la so madre, Yolanda González, recoyó’l premiu nel so nome con agradecimientu y «emocionada yá que ye la primer vegada que recueyo un premiu para’l mio fíu en solitariu», declaró. Al traviés d’un vídeu, Cueves nun quixo perder la ocasión de dar les gracies al colexu y recordar a los alumnos la importancia d’entender que «la paz nun ye solo l’ausencia de guerra, sinón tamién l’accesu a la cultura y la garantía de los derechos humanos».
Ruiz-Tilve amosóse arguyosa cuando’l que fuera compañeru d’aula, Alberto Hidalgo, presidente de Maspaz, sentose al so llau en recibiendo’l premiu: «Ye un prestar tar sentáu al pie de ti, Carmen. Somos compañeros dende la universidá y xuntos fundemos esti movimientu pola paz».
Na categoría de persones los premiaos fueron Gonzalo Miguel García, exconserje del colexu Corredoria I, ya Iñaki Zubizarreta, exjugador de baloncestu y voz contra’l bullying. Na categoría d’instituciones, destacaron a Protección Civil de Piloña; Rede Europea contra la probeza (EAPN); Frida club fútbol femenín y el Centru Nacional d’Educación nel Deporte.
