- Fonte: Diario de León /
- La nieve acumulao y la previsión de precipitaciones mientres les próximes 24 hores va poner esta fin de selmana en riesgu débil por ádenes al Parque Nacional de Picos d’Europa, nes comunidaes de Cantabria, Castiella y Llión, y Principáu d’Asturies.
- Según el boletín d’información nivológica para Picos de l’Axencia Estatal de Meteoroloxía (Aemet), nun s’esperen fenómenos más allá de tendalaes o ádenes superficiales de tamañu pequenu.
- La nieve atopase presente dende cotes baxes na aguada norte, presentando cierta continuidá a partir d’unos 1.700 metros, con espesures que, en promediu, ronden los 70 centímetros. Mientres les próximes 24 hores esperen precipitaciones, con una cota de nieve sensiblemente alto, de tal manera que lo más probable ye que sían en forma d’agua, lo que va provocar una humidificación progresiva del mantu, anque se va caltener, en términos xenerales, abondo amacigáu.
- Nestes condiciones quiciabes puedan asoceder delles purgues de nieve húmedo en rimaes con abondu enclín, como pueden ser les canales, que, d’asocedese, nun s’espera que vaigan más allá de tendalaes o ádenes superficiales de tamañu pequenu.
