Asturies va realizar el día 28 un simulacro d’emerxencia por aciu la unviada d’un mensaxe a los teléfonos móviles de la población. El Principáu va utilizar el sistema Es-Alert para informar a la ciudadanía de les midíes d’actuación énte un avisu coloráu por nieve, col fin de dar a conocer esta ferramienta y ameyorar los protocolos de comunicación y respuesta énte graves riesgos. Les persones que s’atopen nos conceyos afectaos van recibir un mensaxe de prueba acompañáu d’un pitíu sobro les 10:30 hores.
Fonte: Actualidá Asturies
Les árees a les que va llegar son les siguientes (23 conceyos):
- Área central y valles mineros: Balmonte, Bimenes, Cabranes, Candamo, Grau, Llangréu, Llaviana, Llanera, Mieres, Morcín, Nava, Noreña, Uviéu, Proaza, Les Regueres, La Ribera, Riosa, Salas, Samartín del Rei Aurelio, Santo Adriano, Sariegu, Siero y Yernes y Tameza
- Cordal y Picos d’Europa: Ayer, Amieva, Cabrales, Cangues d’Onís, Casu, L.lena, Onís, Parres, Peñamellera Baxa, Peñamellera Alta, Piloña, Ponga, Quirós, Sobrescobiu, Somiedu y Teberga.
Los usuarios de teléfonos intelixentes (smartphones) conectaos a les antenes de telefonía móvil asitiaes nos 23 conceyos afectaos van recibir esta notificación, que se va visualizar de forma similar a un mensaxe de testu, ocupando tola pantalla, y va venir acompañada d’un pitíu y una vibración de dellos segundos.
