- Fonte: El Tiempo / /
Avisos por vientos de 140 km/h y foles de 6 metros: la envernada nun va dar tregua. El frente d’esti vienres va abrir les puertes a dellos díes de fuerte vientu y aguaxe n’España.
Raches previstes para’l vienres, cola llegada d’Éowyn. Mapa: Eltiempo.es
La umbada Éowyn ta dexando un fuerte temporal n’Irlanda pero los sos efectos tamién van notase n’España. Amás d’agües, unu de los frentes que va llanzar Éowyn va solmenar a España con un fuerte temporal de vientu ya intensu aguaxe.
Sicasí, la nueva umbada Herminia que va llegar el domingu va faer que la envernada de vientu y mar s’intensifique a partir d’entós n’España. Los avisos por vientu y aguaxe empiecen a estendese pel norte peninsular.
Tres Éowyn, más umbaes van siguir desfilando pol Atlánticu. A España va llegar un carrusel de frentes que van favorecer fuertes raches de vientu en bona parte del país que podríen superar los 100 km/h.
El primer frente que va llegar per Galicia, yá va dexar fuertes raches de vientu del sur-suroeste nel norte peninsular. Actívense avisos mariellos en Galicia, Asturies, Cantabria, Castiella y Llión y norte de Navarra, onde les raches pueden superar los 70-90km/h. N’A Mariña, Llugo, l’avisu naranxa.
En zones espuestes del cordal Cantábricu, les raches pueden ser entá más fuertes. El sábadu de madrugada van empezar a desactivase estos avisos porque’l vientu va abocanar. El domingu, cola llegada de la nueva umbada, volverá intensificase y los avisos vuelven activase.
La próxima selmana la llegada de nuevos frentes va provocar díes de fuerte vientu y aguaxe n’España, amás d’agües. El llunes puede ser la xornada más complicada con raches bien fuertes de vientu n’amplies zones de la península y Baleares.
Envernada marítima y foles de 6 metros d’altor
Siquier mientres la fin de selmana, el fuerte vientu va favorecer que la situación marítima empiore significativamente nes mariñes del norte. Tantu’l vienres como’l sábadu les foles nes mariñes gallegues pueden superar los 6-7 metros d’altor. Esta zona cunta con avisu naranxa activu.
