Cultura sidrera y paisaxes de suañu: tolo qu’ufierta’l nuevu estand d’Asturies en Fitur

• Fonte: el Comercio / Actualidad Asturias / Programa / web
• Asturias presente en FITUR 2025 Profesional (turismoasturiasprofesional.es) /
• www.turismoasturiasprofesional.es/fitur2025

L’espaciu asturianu destaca pol so diseñu innovador, con dos altores y una medría del 14% na so superficie, que supera los mil metros cuadraos. Tou ta llistu para celebrar otra edición más de la Feria Internacional de Turismu (Fitur). El 40º aniversariu del lema “Asturies, Paraísu Natural” ye’l mazcarón de proa de la propuesta que’l Principáu presenta en FITUR 2025.

La tradicional cita, que se va celebrar del 22 al 26 de xineru na see de Ifema, en Madrid, va cuntar con un novedosu estand asturianu, que foi presentáu esti miércoles pola vicepresidenta del Principáu, Gimena Llamedo.

 

Y en esta ocasión el Principáu va empecipiar les actividaes conmemorativas del 40 aniversariu de la marca Asturies Paraísu Natural, con una adaptación del so logotipu, creáu en 1985 por Arcadi Moradell y que va encabezar el gran espaciu central del estand de la comunidá. Esta versión, creada con motivu del aniversariu, foi supervisada por el mesmu autor.

Mientres la so intervención, Llamedo destacó les bones resultancies turístiques de 2024: «A falta de los datos d’avientu, Asturies rexistró un nuevu récord en visitantes y estancies, con una crecedera del 2,1% pel branu y un significativu 4,9% na primer metá del añu. Estes cifres reflexen la descentralización y la desestacionalización del sector».

Añedió que «siempres dicimos qu’Asturies ye una xoya por afayar y cada vez hai más turistes que la afayen. L’añu pasáu tamién una medría de les persones emplegaes nel sector y eso influyó positivamente na nuesa economía».

¿Cómo ye’l estand d’Asturies anguaño? 
El estand d’Asturies en Fitur, según esplicó Gimena Llamedo, destaca pol so diseñu innovador, con dos altores y una medría del 14% na so superficie, qu’algama los 1.022 metros cuadraos. «El estand va cuntar con un área central de 200 metros, con capacidá para 200 persones, presidida por una pantalla LED de grandes dimensiones y el logotipu del aniversariu; una entrada monumental con triple arcada d’inspiración prerrománica, zones d’información y atención n’un área de 270 metros, con amosadores accesibles dedicaos al turismu urbanu y MICE. El estand tamién inclúi sales de xuntes, un área de prensa y la Terraza del Paraísu, un puntu d’alcuentru esclusivu para axentes turísticos que s’amplía hasta los 200 metros», señaló la titular de vicepresidencia del Principáu.