El fotógrafu asturianu d’amaneceres qu’afayó la Lluna (y una bien especial). El maliayés Alfonso Tomás, aficionáu a les semeyes de paisaxe, siempres madruga para llograr los sos meyores trabayos, anque va unos díes captó de nueche una instantánea de postal: la Lluna de Llobu» coronando’l faru de Llastres. Fonte: LNE /
Primer lluna llena de 2025, denominada «Lluna de Llobu»,
«posándose» sobro’l faru de Llastres.
El maliayés Alfonso Tomás defínese como un fotógrafu «d’amaneceres». Sicasí, esta pasada selmana venció a los encantos de la Lluna. En concretu a la Lluna de Llobu, como se conoz a la primera llena del añu según los indíxenas americanos. Xuna lluna que-y dexó prindar esi momentu únicu nel que paez posase y coronar sobro’l faru de Llastres.
Una preciosa instantánea que tomó fai xusto xuna selmana y que forma parte d’una llarga secuencia de 396 semeyes, una cada dos segundos, cubriendo la trayectoria del satélite hasta dexa-y crear un vídeu final («time lapse») cola lluna moviéndose acelerada.
Tan bona resultó-y esa incursión, qu’a otru día –qu’entá había lluna llena– volvió intentar semeya y «time lapse» na ermita de Ribesella. «Nun resultó tan bien porque salieron les nubes, daqué que n’Asturies ye bien propiu, y la semeya paez otra», rellata Tomás.
