«Al escurecer llega la nieve al sur de la cordelera»
- Alborecemos col cielu poco nuboso o escampláu, sicasí yá tan entrando delles nubes per l’ocidente con unes temperatures que tan alrodiu de los 0ºC, rexistrándose nel puirtu Payares -2,1ºC.
- Güei se va colar un frente seliquinamente, sin malpenes vientu, removiendo mui poco l’atmósfera faciendo que se caltenga l’aire fríu más pesáu que quedo atrapáu estos díes no fonderu los valles colo qu’al atapecer, según se valla deslizando, va dir dexando precipitaciones de nieve, sobre too al sur de la cordelera, dende Llión hasta la divisoria con Asturies yá que vien con vientu sur como decimos mui seliquinamente. Nel restu tendremos precipitaciones al soo pasu, alrodiu de les ocho la nueche con una cota de nieve al sur de la divisoria ente los 800-900m, rondando al norte los 1300m. La xente que tenga que tornar si pue qu’adelante’l viaxe porque pue complicase abondu’l pasu pela cordelera.
- El llunes alboreceremos con escasa nubosidá y tovía xelando nes zones más favoretibles. Durante’l día dirán aumentando les nubes pero sin más consecuencies con unes temperatures baxes que caltendrán un ambiente ivernal.
- Nun sedrá hasta’l martes a partir del mediudía cuando temple’l tiempu y suban les temperatures col cielu nuboso y dalguna gotera pela tarde.
- El miércoles la llegada d’una borrasca atlántica va dexanos precipitaciones pela tarde, dalgo de vientu y dalguna nevada feble en cumbres de la cordelera con unes temperatures n’ascensu.
