«Fríu seco»
- Alborecemos col cielu poco nuboso o escampláu ya con unes temperatures que tan alrodiu de los 0ºC, rexistrándose nel puirtu Payares -0,1ºC.
- Güei vamos tener el cielu poco nuboso, sicasí pue empuercalu dalguna nube alta sin más importancia, amás de de les nublines al alborecer no fonderu los valles que dirán dixebrándose a lu llargu la mañana con unes temperatures mínimes en descensu, mentantu les másimes camudarán poco dexándonos un ambiente ivernal a pesar de la llume del sol.
- El restu la selmana vamos seguir baxo la influencia del anticiclón con poques nubes, dalguna nublina no fonderu los valles y xelaes nuecherniegues nes zones favoretibles con unes temperatures másimes que van tar ente los 12ºC-13ºC ya unes mínimes que rondarán los 0ºC. L’aire sedrá sele ya variable anque’l xueves el nordés pue ser dalgo cafiante y dexanos una sensación térmica más baxa.
Que paséis un bon martes collacies ya collacios.
Semeya que mos l’apurre la nuesa collacia María Suárez.
