«Suben les temperatures
por mor del vientu ábrigu»
por mor del vientu ábrigu»
- Alborecemos col cielu nuboso ya con unes temperatures que tan alrodiu de los 15ºC, amás sopla l’aire ábrigu con raches fuertes en zones del llitoral y cordelera, rexistrándose nel puirtu Payares 3,5ºC.
- Güei vamos tener el cielu nuboso pero sin precipitaciones, sicasí na fastera más surocidental d’Asturies y cordelera puen tener dalguna gotera pero lo más destacáu va ser la subida de les temperatures y ye que l’aire ábrigu, al pasu pela cordelera, va dexanos l’efeutu foehn faciendo que suban les temperatures nos valles y llitoral con másimes qu’algamarán los 20ºC nestes zones.
- El prósimu riscar un frente atlánticu recorrerá Asturies d’oeste a este dexándonos al so pasu precipitaciones y un descensu de les temperatures, faciendo que la cota de nieve baxe nel alborecer hasta los 1000-1200m. Durante la mañana dirán remitiendo los xarabatos a la vez que abriranse dellos claros o abancios. L’aire de componente noroeste pue soplar molestu nel llitoral y zones altes.
- El domingu torna de nuevu’l vientu ábrigu cola consiguiente subida de les temperatures dempués d’una nueche escamplada y fría, amás soplará con muncha fuercia en zones altes ya en puntos del llitoral. Nel cielu tendremos nubes pero sin precipitaciones.
- El llunes una potente borrasca atlántica mos dexará precipitaciones abondoses, vientu gallegu con raches mui fuertes, temporal marítimu y un descensu de les temperatures, situación que va prolongase los siguientes díes con nevaes pela cordelera y ambiente ivernal pero esto yá lu diremos viendo.
A partir del domingu, una fonda umbada atlántica va dexar precipitaciones xeneralizaes en tol país, amás d’un descensu nes temperatures.
