«Únicu día de cielu escampláu»
- Alborecemos col cielu poco nuboso o escampláu con xelaes nes zones favoretibles ya con unes temperatures que tan alrodiu de los 2ºC, rexistrándose nel puirtu Payares -7,3ºC.
- Güei vamos tener el cielu poco nuboso con unes temperatures que van subir dalgo a primera hora de la tarde. Yá pela tardiquina aumentará la nubosidá pa dexanos el cielu nuble al finar.
- Mañana sábadu tendremos el cielu nuboso cola posibilidá de que caiga dalguna gotera ocasional ya dispersa con unes temperatures que suben tantu les mínimes que lu fadrán bultablemente como les másimes que lo fadrán llixeramente.
- El domingu al final l’embolsamientu d’aire fríu que va colase pel norte va dexanos precipitaciones xeneralizaes pela mañana sobre too con un descensu de les temperatures y con nueves nevaes moderaes na cordelera perriba de los 1000-1200m. L’aire de componente noroeste pue soplar con dalguna racha fuerte en zones del llitoral y puntos altos de la cordelera.
- El llunes tenderá a escamplar y asina paez que pue tar la mayor parte de la selmana viniente, con unes temperatures nuecherniegues en descensu ya con xelaes nes zones favoretibles pero esto yá lu diremos viendo
