Tamos preparando una nueva edición de la Feria de la Ciencia y l’Innovación d’Asturies. Los centros d’Educación Secundaria, Bachilleratu y FP yá pueden inscribise como participantes con un estand o como visitantes. Equí tienes más información y enllaces a los formularios d’inscripción.
- Fecha: 9 de mayu de 2025.
- Llugar: Nave de Cañones de la Fábrica d’Armes de La Vega (Uviéu).
- Horariu: 10:00 a 14:30 hores para estudiantes d’ESO, Bachilleratu y/o Formación Profesional. A partir de les 16:30 hores apertura llibre al públicu.
- Tresporte: la organización va sufragar el costu d’un autobús per centru cuando sía necesariu.
Temática: La temática va xirar en redol a los ámbitos de la Estratexa d’Especialización Intelixente d’Asturies:
– Agroalimentación
– Avieyamientu activu y saludable.
– Patrimoniu y biodiversidá.
– Enerxía y circularidá.
– Industria intelixente y resiliente.
Oxetivos:
- Presentación d’acciones singulares que se realicen n’Asturies nel ámbitu de la I+D+i y espardimientu d’exemplos de bones práctiques.
- Espertar y fomentar vocaciones científiques.
- Visibilizar la ciencia y l’innovación que se realiza nos centros educativos y ponela en contactu col ecosistema científico y tecnolóxico asturianu.
- Contribuyir a que l’alumnáu entienda los elementos y procedimientos fundamentales de la investigación y de los métodos científicos.
- Facilitar que l’estudiantáu pueda conocer y valorar de forma crítica la contribución de la ciencia y la tecnoloxía nel cambéu de les condiciones de vida, según afitar la sensibilidá y el respetu escontra’l mediu ambiente.
- Tender pontes y esquizar víes de collaboración ente centros educativos y actores del ecosistema I+D+i asturianu.
Participación de los centros educativos: Queremos convidar a los centros educativos a visitar la Feria o a participar nella si cunten con dalgún proyectu, acción o iniciativa innovadora que consideren d’interés p’amosar a la sociedá.
