Güei ye’l Blue Mondey, el día más murniu del añu.

Güei ye’l Blue Mondey, el día más murniu del añu. ¿Por qué? Porque ye’l tercer llunes de xineru, los díes son grises y curtios, fai fríu, llueve, nun tamos cumpliendo los nuesos bonos propósitos, tamos en plena cuesta de xineru y les vacaciones tán bien llueñe.

• Fonte: wiki / Hola /

L’orixe del ‘Blue Monday‘.  El términu ‘Blue Monday’ foi acuñáu en 2005 como parte d’una estratexa de marketing de l’axencia británica Sky Travel. Cola ayuda del psicólogu Cliff Arnall, la empresa buscaba identificar cuándo les persones taríen más predispuestes a planiar unes vacaciones. Arnall escurrió una fórmula que combinaba variables como’l clima, les deldes, los salarios, el tiempu trescurríu dende Navidá, la frustración pol fracasu de los propósitos d’Añu Nuevu, los baxos niveles de motivación y la necesidá d’acción. Según esta ecuación, el tercer llunes de xineru ye’l puntu culminante de murnia/tristeza y murria/melancolía.

Sicasí, esta fórmula escarez de rigor científico. El so calter pseudocientífico foi llargamente criticáu, tantu pola comunidá académica como por el mesmu Arnall, quien en 2016 xuniose al movimientu #StopBlueMonday para desmitificar el conceutu. A pesar d’esto, la idea del’ Blue Monday’ persiste na cultura popular, seique porque conecta colos sentimientos de desánimu que munches persones esperimenten en xineru.

Magar el Blue Monday convirtióse nun sinónimu de murnia, esisten munches formes d’enfrentalo y convertilo nun día positivu. Dende pequenos cambeos na to rutina hasta xestos que pueden marcar la diferencia, equí te ufiertamos cinco conseyos prácticos por que esti llunes nun sía tan sombrío y lu tresformes n’una oportunidá para curiate y sentite meyor.

1. Plania daqué que te motive: Entama una actividá especial que te faiga ilusión, como quedar con amigos, ver una película que te guste o esfrutar de la to comida favorita. Tener daqué positivu qu’esperar puede ameyorar el to estáu d’ánimu.
2. Fai exerciciu físicu: Anque pueda costar, movete te va ayudar a lliberar endorfines, les hormones de la felicidá. Puedes dar un paséu, practicar yoga o realizar una sesión d’entrenamientu curtiu en casa.
3. Dedícate un momentu d’autocuidao: Aprovecha para faer daqué que te relaxe, como un bañu caliente, lleer un bon llibru o practicar meditación. Curiar de ti mesmu ye clave para compensar la murria.
4. Evita la sobrecarga de noticies negatives: Si sientes que’l día yá ye lo suficientemente pesáu, intenta llindar la to esposición a conteníos que puedan aumentar l’afandu. Nel so llugar, busca información que te inspire y motive.
5. Fai daqué polos demás: Realizar un actu de bondá, como ayudar a daquién o faer una donación, puede xenerate una gran sensación de bienestar y dar un xiru positivu al to día.