Nel 2019, l’Asamblea de Naciones Xuníes al pie de la UNESCO, declararon el 24 de xineru como’l día internacional de la educación. La consecución d’esti derechu fundamental, ta recoyíu nel principiu 27 de la declaración de los derechos humanos, na Declaración de los derechos de la infancia de 1989 y, más apocayá, nos ODS 4 y 5.
La Federación de Families de Neños con Cáncer(@familiascancerinfantil), reconoz dende la so Comisión d’educación, la importancia de formar a profesionales d’aules hospitalaries y docentes nel entendimientu de la enfermedá, el tratamientu y lo que trai nel procesu educativu del alumnáu con cáncer. Ye, ésta, la única forma de garantizar el derechu esencial a la educación dende la igualdá d’oportunidaes. Dende’l nuesu programa educativu y col sofitu d’una comprometida rede de voluntariáu, acompañamos el regresu paulatín a la escuela de neños, neñes y nueves con cáncer.
