En 2007 la UNESCO declaró como Reserva de la Biosfera a los territorios asitiaos nel ámbitu de la mariña cantábrica, na llende del Principáu d’Asturies y Galicia, qu’engloben a conceyu asturianos y gallegos, ente los que s’atopa Taramundi, sol nome de “Reserva de la Biosfera del Ríu Eo, Ozcos y Terras de Burón”.
Los catorce conceyos integrantes de la Reserva son: Castropol, A Veiga, Taramundi, Santiso d’Abres, Vilanova d’Ozcos, Santalla d’Ozcos y San Martín d’Ozcos (Principáu d’Asturies); Ribadeo, Trabada, A Pontenova, Ribeira de Piquín, Baleira, A Fonsagrada, Negueira de Muñiz (Galicia).
Esti nomamientu supon una reconocencia a un territoriu onde se produció un desenvolvimientu económicu y humanu d’acordies cola redolada, de cuenta que se dexó’l caltenimientu de los paisaxes, los ecosistemes, les especies y la diversidá xenética.
La área incluyida dientro de la Reserva de la Biosfera vertébrase al traviés de la cuenca fluvial del ríu Eo, tomando dende la so nacencia en Fonteo (conceyu de Baleira, Llugo), hasta la so desaguada nel Mar Cantábricu.
