- Soi de Verdiciu /
- Rodrigo Cuevas:/ web / entrevista / Instagram / Soi de Verdiciu /
- Premiu Carmen Ruiz-Tilve VII edición /
L’artista multidisciplinar, quien revolucionó la música tradicional a ritmu de «electro cuplé», definise a sí mesmu va un tiempu como «axitador folclóricu».
Unu pertenez a la so xeneración, «anque esperimente sensaciones que paecen individuales, son colectives», los acontecimientos sociales, culturales y políticos afecten igual a munches persones, opinó, polo que nun cree qu’el so estilu folclóricu musical sía daqué propiu.
«Agora hai munchos artistes esmolecíos pola perda del patrimoniu inmaterial», añedió, anque cree que n’España se precisen entá «más defensores de la cultura tradicional, el mundu rural y, sobremanera, el caltenimientu de los oficios artesanales».
Asina, reivindicó la pervivencia de técniques tradicionales emplegaes na construcción, el caltenimientu de los alimentos y el testil, que, si se piereden, supondríen «una perda terrible de patrimoniu».
Cuevas estudió nel conservatorio d’Uviéu y formóse mientres trés años en Sonología en Barcelona.
Por ello, cree que «los chavales tán adoctrinaos dende pequeños», porque consideren que «dir a la universidá ye sinónimu d’ésitu, estudiar FP ye pa los tontos y nun tener estudios ye de fracasaos», ente que dedicase a un trabayu artesanal «ye yá d’outsider de la sociedá y de daquién ensin nenguna aspiración vital».
Cuevas defendió qu’anguaño ye bien difícil convencer a daquién de que trabayar nun oficiu artesanu puede apurrir la felicidá de vivir a un ritmu más sele, conforme a los sos ideales, ser dueñu del so trabayu y esfrutar creando daqué coles manos.
«Na dómina de los nuesos güelos, la xente probe yeren los artesanos y los ricos yeren los qu’estudiaron, pero yá nun tien que ser asina. Nin el dineru nin la formación académica ye tou», diz.
Agora, «la xente busca más tener salú mental y pollo ta tornando a los pueblos», conclúi esti músicu, quien vive nuna pequena aldega asturiana con dos burrinas, pites, gatos y una perra.
