L’Arquivu Históricu d’Hunosa. Hunosa ye heredera del patrimoniu históricu y documental de les compañíes mineres nacíes mientres el sieglu XIX y principios del XX. L’Arquivu Históricu d’Hunosa dexa documentar un pasáu vital ya imprescindible para entender l’Asturies actual y escribe un capítulu fundamental del pasáu d’España y Europa. Constitúi unu de los más importantes a nivel industrial d’España, tantu pol so volume como pol calter del so conteníu.
Archivo Histórico de Hunosa – (archivohunosa.es)
L’arquivu caltien la hestoria de la minería. Nel so compromisu por rescatar el patrimoniu industrial y ponelo al serviciu de la sociedá, Hunosa abre al públicu’l so Arquivu Históricu, que va poder ser visitáu previa reserva nel Pozu Fondón. Ellí reposen planos, documentos y materiales que dexen ilustrar el pasáu recién y componen una semeya d’una actividá económica y d’una cultura. Los fondos revelen cómo yera la vida nes cuenques mineres, nos sos pozos ya instalaciones.
L’Arquivu Históricu d’Hunosa curia los fondos documentales de toles empreses mineres que se fueron integrando n’Hunosa a partir del añu 1967 con dos oxetivos: caltener el patrimoniu históricu de toes estes compañíes y sirvir de sofitu a les ciencies, una y bones l’Arquivu Históricu d’Hunosa constitúi un elementu irremplazable para l’estudiu de la industrialización asturiana.
