- El Conceyu de la Gaita organiza un taller de collecha de cañavera pa fabricar payueles y payones pa gaita asturiana.
- Va celebrase’l domingu 23 de febrero pela mañana, afitando’l puntu d’alcuentru a les 11:00h. nel Restaurante La Vitoria (Bárzana, Villaviciosa).
Armando Fernández Robledo, gaiteru veteranu y constructor de gaites, va ser l’encargáu d’amosanos tolos detalles d’esta planta, deprendíos de los vieyos maestros gaiteros de la tradición asturiana: seleición de la planta, momentu adecuáu de corta, los procesos de corta y pañamientu, la forma de secáu y el so aprovechamientu na fabricación de payueles y payones.
L’actividá va desendolcase nun cañaveral, polo que recomendamos llevar guantes de proteición, botes, pantalón llargu y, si’l tiempu nun acompañara, chubasqueru. Los asistentes que lo deseen van poder marchar con unes muestres de cañavera pa facer les sos payueles y payones, asina como una cepa de la planta.
