Un cursu d’estensión de la Escuela d’Asturianía axunta en Bonos Aires a 27 estudiantes de gaita, tambor, percusión y baille. Olaya Gómez, directora d’Emigración, sorrayó la importancia d’estes actividaes para caltener los venceyos cola cultura tradicional asturiana.
Fonte: Actualidad Asturies /
El Centru Asturianu de Bonos Aires acoyó estes navidaes un cursu d’estensión de la Escuela d’Asturianía, nel que participaron 27 persones pertenecientes a los centros asturianos de Mendoza, Santa Fe, Comodoro, Bonos Aires, La Plata, Necochea, Coleutividá de Chile y Coleutividá de Valparaíso. El cursu sirvió para impartir conocencies sobro gaita, tambor, percusión y baille.
Les clases fueron impartíes por dos profesores de la Escuela de Música Tradicional d’Uviéu treslladaos a la capital Arxentina, y tuvieron abiertes a toos aquellos integrantes de centros asturianos d’América Llatina que deseyaren siguir cola so formación en baille o preséu tradicional.
