- Fonte: Musicasturiana.com / canal Youtube /
- Esti grupu de pandereteres qu’incorpora violín y flauta a la so instrumentación actúa’l sábadu n’Avilés y el domingu en Sobrescobiu
Caparines ye un grupu de música tradicional y popular que d’un tiempu pa equí vien aumentando la so presencia nos escenarios del país. Una amuesa d’ello ye la doble cita que tienen esti fin de selmana. Esta agrupación formada por pandereteres y vocalistes, qu’incorpora violín y flauta a la so instrumentación, va actuar el sábadu 15 a les 18h nel Centru de mayores de Les Meanes (Avilés). Faenlo dientro del ciclu Sábados Culturales de Culturias y xunto a elles van actuar delles poetes. Per otru llau’l domingu 16 van facelo a les 13.30h en La Marquesina del Alba de Rusecu (Sobrescobiu), ún de los llocales que programa davezu música en vivo nel entornu de Redes.
