- Videu presentación / presentación / videu coche / Fonte: LNE / #F175LIVE
El meyor show, a ritmu de James Bond y la cantante Teem, correspondió a Aston Martin. “Difruten del restu de la nueche porque esti ye’l coche más guapu que van ver” llanzó l’asturianu Fernando Alonso, ensin dulda uno de los grandes protagonistes de la velada.
Ganes d’arrincar. “Estrenar cada nueva temporada implica muncha emoción, dempués de munches hores de trabayu de too el mundu nel equipu y con munches esperances nesa nueva máquina. Ye siempres escitante’l primer día de para toos nun llargu campeonatu”, dixo Fernando Alonso, el pilotu más veteranu de la parrilla a les sos 43 años.
Dempués d’un complicáu 2024 con Aston Martin, el bicampeón asturianu encara’l so 22ª cursu na F1 con ilusiones anovaes. La fonda reetructuración de la cúpula del equipu, les flamantes instalaciones d’última xeneración en Silverstone, cuantimás el nuevu túnel de vientu, y sobremanera, la incorporación d’Adrian Newey, el diseñador más cotizáu de la categoría, son alicientes a los qu’Alonso s’enferrona con enganía por volver sentise competitivu.
Minutu 1:11:30
