Asturies supera un añu más los sos meyores rexistros turísticos y cierra 2024 con 2.833.527 viaxeros y 6.721.147 pernoctaciones.
- Los visitantes internacionales algamen la mayor crecedera: un 5,9%.
- Los viaxeros aumenten percima de la media nos meses de temporada baxa.
- D’esta miente, el mercáu internacional apurre yá’l 22,6% de los visitantes y el 19,6% de les estancies.
- L’últimu trimestre amuesa una recuperación del turismu rural: les estancies álcense un 5,2% sobro 20
- El segmentu d’hoteles degola per primer vegada los dos millones de turistes, con una crecedera del 3,6%, y de un 1,8% n’estancies.
- N’apartamentos turísticos la medría algama’l 9,6% en veceros y el 16% n’estancies.
- N’albergues, la xubida asitiase nel 5,2% en visitantes y nel 6,9% n’estancies
- El númberu d’usuarios del turismu rural aumentó un 1,1% sobro 2023, anque les estancies amenorgaren nel cómputu añal un 3,6%. Sicasí, l’últimu trimestre amuesa xuna recuperación d’esti segmentu, que cuntó con campañes promocionales como ¿Seguru que conoces Asturies? Asina, ente ochobre y avientu les estancies aumentaron un 5,2% sobro les rexistraes nel mesmu periodu de 2023.
- La esceición a esti comportamientu positivu topase nel sector del camping que, en creciendo en 2023 un 35% en turistes y un 41% n’estancies al respective de 2019, añu previu a la pandemia, en 2024 producióse xuna corrección, con una baxada del 0,1% y del 1,5% en visitantes y pernoctaciones, respectivamente.
