Fala n’asturianu o eonaviegu…. ye lo nueso
Cuando se deixa testimoniu de dignidá,
nunca nun se fracasa.
Xulio Viejo
La idea de celebrar esti día foi una iniciativa de Bangladesh. Foi aprobáu na Conferencia Xeneral de la UNESCO de 1999 y llévase a cabu en tol mundu dende l’añu 2000.
La UNESCO cree na importancia de la diversidá cultural y llingüístico para les sociedaes sostenibles. Nel marcu del so mandatu en pro de la paz, trabaya para caltener les diferencies de cultures ya idiomes que fomenten la tolerancia y el respetu de los demás.
La Unesco recuérdanos que «la diversidá llingüística atópase cada vez más amenaciada con un mayor númberu de llingües que sumen. Cada dos selmanes, como promediu, una llingua sume, llevándose cola so desapaición tou un patrimoniu cultural ya intelectual. Les sociedaes multilingües y multiculturales esisten al traviés de les sos llingües, que tresmiten y caltienen les conocencies y les cultures tradicionales de manera sostenible.»
