«Tiempu humedu y suave»
- Alborecemos col cielu cubiertu y precipitaciones febles ya disperses con unes temperatures que tan alrodiu de los 10ºC, rexistrándose nel puirtu Payares 3,5ºC.
- Güei vamos tener el cielu mui nuboso por nubes de tipo mediu- baxo que puen dexanos precipitaciones febles ya disperses, más probables pela tarde con unes temperatures másimes en llixeru descensu, mentantu les mínimes suben dalgo. L’aire sedrá sele ya variable.
- Mañana martes entamará a soplar l’aire ábrigu faciendo que se dixebren les nubes baxes y surdar les de tipu mediu-altu entemecies ente dellos claros o abancios, tando más nuboso na fastera surocidental d’Asturies onde puen tener dalguna precipitación por retención, nel restu sedrán mui poco probables. Les temperatures en moderáu ascensu.
- El miércoles rola l’aire a gallegu refrescando dalgo l’ambiente y apurriéndonos más humedá, amás pue dexar raches moderaes en puntos de la costa y zones altes de la cordelera. Nel cielu tendremos interevalos nubosos entemecios ente dellos claros o abancios y les posibilidaes de precipitación son mui escases.
- A partir del xueves torna l’aire ábrigu con subida de les temperatures y ambiente primaveral.
