- Alborecemos col cielu cubiertu y orpinando con unes temperatures que tan alrodiu de los 10ºC, rexistrándose nel puirtu Payares 0,9ºC.
- Güei vamos tener precipitaciones febles durante la mañana pa dir dixebrándose les nubes y abriéndose dellos claros al escurecer cuando remitirán percompletu. Les temperatures en descensu y la nieve podrá surdir perriba de los 1300m. L’aire sedrá de componente noroeste sele en xeneral.
- Mañana miércoles alboreceremos con nubes ya claros o abancios y xelaes nes zones más favoretibles con un descensu bultable de les temperatures mínimes, mentantu les másimes subirán llixeramente. Durante’l día tendremos intervalos nubosos entemecios ente dellos claros, tando más nuboso na fastera central asturiana y l’aire sedrá sele de componente norte.
- El xueves tendremos una situación mui asemeyeda, sicasí entamará a soplar l’aire nordés que pue ser cafiante nel llitoral con unes temperatures que tenderán a subir llixeramente pero con una sensación térmica desagradable por mor del vientu.
- El vienres les temperatures aniciarán un descensu y l’aire nordés dirá coyendo puxu apurriéndonos dalgo de nubosidá de retención nos cordales costeros, sitaucación que va estendese a la fin de selmana onde tará marcada poles baxes temperatures, pero esto yá lu diremos viendo.
