- Alborecemos col cielu poco nuboso en xeneral, sicasí ta empuercáu per dalguna nube alta con unes temperatures que tan alrodiu de los 4ºC, rexistrándose nel puirtu Payares -0,9ºC.
- Güei vamos tener un día mui asemeyáu al d’ayeri col cielu empuercáu per dalguna nube alta y poco más anque al escurecer dirá surdiendo’l borrín nos cordales y la nubosidá estratificada na fastera central asturiana. Les temperatures van camudar poco, siendo afayaices a partir del mediudía y l’aire sedrá sele y variable en xeneral con predominiu de la componente nordés.
- Mañana entovía veremos dalgo’l sol pela mañana pero la nubosidá dirá n’aumentu y nun se descarta dalguna precipitación feble a últimes hores con unes temperatures en descensu ya con xelaes nes zones más favoretibles nel alborecer.
- Lo más probable ye que’l vienres tengamos dellos xarabatos ente febles ya moderaos con nevaes pela cordelera que puen baxar hasta los 600-700m pela tarde con unes temperatures másimes en bultable descensu, subiendo dalgo les mínimes con vientu de componente norte que pue dexar dalguna racha moderada en zones alta ya en puntos del llitoral.
El sábadu alboreceremos col cielu escampláu ya con xelaes xeneralizaes que puen ser fonderes nel interior asturianu.
