- Alborecemos con intervalos nubosos entemecios ente dellos claros o abancios ya con unes temperatures que tan alrodiu de los 7ºC, rexistrándose nel puirtu Payares 0,3ºC.
- Güei vamos tener intervalos nubosos con nubosidá que va dir desendolcándose a partir del mediudía pa dexanos xarabatos dispersos de calter tormentosu durante la tarde que sedrán en forma de nieve perriba de los 1500m. Les temperatures descenderán y l’ambiente sedrá más ivernal col aire sele ya varible con predominiu del nordés.
- Mañana domingu alboreceremos con escasa nubosidá y xelaes febles nes zones más favoretibles, dempués la llume del sol dirá caleciendo l’ambiente pa dexanos un mediudía casi primaveral anque’l cielu tenderá a empuercase de nubes medies y altes.
- El llunes, dempués d’un alborecer con escasa nubosidá, dirán n’aumentu les nubes pa dexanos el día nuble y precipitaciones pela tarde amás d’un descensu de les temperatures al finar la xornada, mentantu pel día subirán por mor del vientu ábrigu.
- El martes tendremos xarabatos intermitentes y un descensu de les temperatures con nevaes febles en xeneral pela cordelera perriba de los 1200m.
- El restu la selmana vamos tener un tiempu variable con nubes, claros o abancios y la posibilidá de dalguna gotera de cara al xueves. Yá la fin de selmana podriemos tener una pequeña iverniza pero esto yá lu diremos viendo.
