- Alborecemos col cielu empuercáu de nubosidá alta ya con unes temperatures que tan alrodiu de los 5ºC, rexistrándose nel puirtu Payares 2ºC.
- Güei va dir aumentando la nubosidá hasta quedar el cielu nuble pela tarde con unes temperatures másimes en descensu, mentantu les mínimes suben dalgo. L’aire sedrá sele en xeneral con predominiu de la componente norte.
- Mañana vienres el roce d’un embolsamientu d’aire fríu continental con una masa atlántica húmeda va facer que tengamos xarabatos durante tol día de carauter feble ya moderáu que sedrán de nieve anicialmente perriba de los 1500m pa dir descendiendo la cota de nieve hasta los 600-700m al finar el día pero yá sin malpenes precipitaciones. Les temperatures en descensu bultable, dándose les mínimes al finar el día. L’aire sedrá sele con predominiu de la componente norte.
- L’alborecer del sábadu va ser mui fríu con xelaes xeneralizaes per toa Asturies que sedrán fonderes nos puertos de montaña, tendremos el cielu poco nuboso en xeneral, malpenes vientu y temperatures contenies al mediudái a pesar del sol.
- Tovía hai munches duldes de cara al domingu pero paez que tendremos dalguna nube más, temperatures fríes ya tiempu ivernal que se pue estender a los prósimos díes pero esto yá lu diremos viendo.
