Febreru ye’l mes d’hibernación de los osos

Sicasí, tres una collecha histórica d’abiyotes y les nidies temperatures d’estos díes, tamos reparando numberosos individuos activos en dambes aguaes del cordal Cantábricu, dende oses con críes d’un añu, hasta osos nuevos ya inclusive dellos adultos.

Tienes más información sobro osos y cambéu climáticu nel capítulu 7 de nuesu llibro ‘Osos cantábricos. Demografía, coesistencia y retos de caltenimientu’ nel enllaz a la nuesa web

• DESCARGAR

Ye una evidencia más de cómo’l calentamientu global ta condicionando’l letargo ivernizu de los osos. Recordemos que se trata d’un hibernante facultativu, esto ye, va envernar namá si nun faelo supon-y un mayor costu metabólicu.

Los osos cantábricos allónense del peligru críticu d’estinción, apurriéndonos una de les más alentadores allegríes en caltenimientu de la naturaleza. Ye un escenariu que plantega nuevos retos, ¿cómo consiguir l’oxetivu d’una población vidable d’osos en coesistencia pacífica coles persones y les sos actividaes?

Esti llibru afonda nesos desafíos dende la conocencia científica y recueye les resultancies de distintos proyectos frutu de la collaboración ente dellos centros d’investigación y la Fundación Oso Pardo, y la so ellaboración cuntó col financiamientu del Ministeriu pa la Transición Ecolóxica y el Retu Demográficu.