Ferla Megía, Rodrigo Cuevas y Xuacu Amieva van poner la música n’asturianu a esta cita que recauda fondos pa la plataforma Música pa Valencia. Fonte: Musicasturiana.com /Col envís de recaudar fondos pa les persones afectaes poles inundaciones de la DANA en València, La Benéfica de Piloña organiza un un Xaréu Solidariu en collaboración col AMC Bocanegra, que va acoyer l’eventu na so sala. La cita ye’l próximu domingu 9 de febreru dende les 12.30h en Valles de San Román, Piloña. Ente los seis artistes que van actuar, Ferla Megía, Rodrigo Cuevas y Xuacu Amieva van ser la representación de la música n’asturianu. Les entraes yá tán escosaes y los fondos van donase a Música pa Valencia, una plataforma que nació pa unviar ayuda en forma d‘instrumentos, materiales y otres ferramientes musicales a la Fundació Horta Sud, qu’opera nuna de les zones afectaes.
