- RTPA . L’Asociación Trufa Negra ufierta un serviciu con animales pa tresmitir aselu a neños con autismu
- El Comercio /
Aumenta la demanda de perros p’atender situaciones de discapacidá y problemes de salú mental
L’Asociación Trufa Negra ufierta un serviciu con animales pa tresmitir aselu a neños con trestornu del espectru autista. Un exemplu pue ser nuna peluquería, onde un corte de pelo pue resultar una esperiencia traumática pa estes persones. L’Asociación ufierta esti serviciu a entidaes rellacionaes col ámbitu sanitariu, educativu y pa persones con discapacidá.
La entidá ensin ánimu d’arriquecimientu cada vez cunta con más demanda de los sos perros p’atender situaciones de discapacidá o problemes de salú mental.
El proyectu, pioneru n’Asturies, ye la resultancia d’un conveniu de collaboración ente l’Asociación Trufa Negra, dedicada a la Intervención Asistida por Perros, n’alianza cola Peluquería Valdés, de Llugones (Siero). L’adiestradora de «Bonnie», Hortensia Vidal, esplica que «esta iniciativa realza’l papel fundamental de los animales na ayuda p’ameyorar la calidá de vida en persones con necesidaes específiques de sofitu y les sos families». Añede, amás, que «con esto tamién consiguimos que’l procesu sía más prestosu pal usuariu y tamién resulte más senciellu pal profesional».
Al traviés de la interacción col perru, «llogramos que l’estímulu positivu sía muncho más potente que l’estrés que-y produz tar nun contestu contrariu pa él, como pue ser la peluquería por cuenta de los ruios de les máquines, el contactu, la música o la lluz», apunta Vidal.
