Los guilandeiros de Tinéu yá tienen fecha para la so mazcarada d’iviernu, el sábadu 15 de febreru y van visitar pueblos onde hai testimoniu centenariu d’esta mazcarada del Suroccidente.
- Fonte: LNE /
El colectivu cuartanu escoyó anguaño los pueblos de Campiel.lu (pela tarde) y Oubona (pela mañana) y convida a vecinos y visitantes a acompaña-yos na so salida añal, prevista para’l sábadu 15 de febreru.
Cunta’l colectivu que-yos fai especial ilusión la visita al pueblu d’Oubona, una y bones «Aurelio de Llanu dexó testimoniu fai más de cien años de los guilandeiros d’esti gran pueblu». Ta previstu que trenta y tres persones participen na mazcarada, que va percorrer les citaes localidaes al son de la gaita «chevando a la nuesa xente la tradición yá la folixa».
