Fantásticu fin de xira en Xixón de «Humanes» del grupu «Muyeres» ún de los nomes más importantes del folclor asturianu. 
Milenta gracies… 
Bona música pa zarrar un domingu… Muyeres
Güei ye’l día del resume, del puntu y a parte y del compás d’espera.
Güei sería’l día ideal p’agradecer tantes coses pero decidimos dedicar estes pallabres a toles persones qu’ayeri ficistis l’últimu Humanes con nosotres.
Fuistis protagonistes, por cantar, por glayar, baillar, llevantavos, animanos, pedinos más.
Un abrazu de parte de Laurina, de Pinky, d’Ana García, de María Lluisa, de Felisa, de Zulima, de Fani, de la Revolver, de l’allegre Sifonera… Dicen que vos agradecen nel alma que sintáis la música como elles: como fin, nun como mediu; col fin de dar voz, alma y vida a quien nun-y la dieron en so momentu. Agora viven gracies a vosotros. Y les 23 Muyeres restantes dicen: 𝗘𝗦𝗣𝗘𝗥𝗔́𝗜𝗡𝗢𝗦 𝗤𝗨𝗘 𝗩𝗢𝗟𝗩𝗘𝗥𝗘𝗠𝗢𝗦 semeya
Muyeres ye ún de los nomes más importantes del folclor asturianu. Esti colectivu nació en 1993 cola unión de muyeres procedentes de dalgunos de los grupos d investigación etnográfica más destacaos. L oxetivu que teníen yera l de reivindicar la música de percusión del país y el protagonismu de la muyer nel caltenimientu de la tradición sonora asturiana. Cuasi 30 años depués, con seis discos publicaos y con una montonera d espectáculos entamaos; siguen siendo una pieza fundamental de la cultura asturiana. Fonte: Musicasturiana
Humanes ye l so últimu discu y un trabayu históricu na so trayectoria porque, per primer vez, nun compilen cantares tradicionales, sinón quaxunten 13 canciones de composición propia. Les lletres homenaxeen a les humanes; a eses muyeres anónimes que fueron faciendo historia. La música ye ellaborada, con muncha calidá y esplora distintos soníos dientro del folk asturianu.
