- PFB/ Fonte: Hª National Geographic /
Estos velocípedos», cola rueda delantera más grande que la trasera, fueron sustituyíos por bicicletes con ruedes d’igual tamañu y cadenes que tresmitíen la enerxía del pedal a la rueda trasera. Muncho más segures, les bicicletes de principios de la Belle Époque empezaron a vendese a precios exorbitantes a aquellos que podíen dexá-ylo.
Los manuales de comportamientu de la dómina dexaben bien claro que lo últimu que debía faer una dama na cai yera llamar l’atención.
Les muyeres de clase alta fueron atreviéndose a montar nesti nuevu inventu, que ponía al so algame la posibilidá de movese con llibertá y rapidez nun mundu que les condergaba al enclaustramiento na vivienda familiar. Estes pioneres atraíen toles miraes, lo que yá de por sí yera malu.
Los manuales de comportamientu de la dómina dexaben bien claro que lo últimu que debía faer una dama na cai yera llamar l’atención de los viandantes. Andar apriesa yera un signu de mala educación, lo mesmo que falar altu o mover los brazos llueñe del cuerpu.
Rompiendo esquemes. La muyer que montaba en bicicleta rompía les riegles establecíes sobro’l comportamientu femenín y convertíase nuna persona de dudosa moral. Un gran escándalu acompañó a les primeres ciclistes. A la londinense Emma Eades recibierenla a pedraes; a otres munches faltárenles al respetu… Por si fora poco, los médicos de la dómina cuntaben que el ciclismu yera una actividá perxudicial pal organismu femenín, consideráu más débil que’l masculín. Montar en bicicleta, creíen, podía causar esterilidá y trestornos nerviosos.
