- La vista ye’l sentíu que dexa captar y procesar la lluz para formar imaxes de la redolada.
- Aníciase nel güeyu, un órganu complexu qu’actúa como una cámara biolóxica.
- La lluz entra al güeyu al traviés de la córnea, traviesa l’humor aguaciento y pasa pola neñina, que la so apertura ye regulada pol iris según la intensidá lluminosa.
- Depués, la lluz llega al cristalín, qu’enfoca los rayos escontra la retina, asitiada na parte posterior del güeyu.
- La retina contien célules fotorreceptores llamaes conos y cayaos.
- Los conos dexen la visión en color y con bonu llume; los cayaos, la visión en condiciones de poca lluz.
- Estes célules tresformen la lluz n’impulsos eléctricos, que son unviaos al celebru por aciu el nerviu ópticu.
- El celebru interpreta estos impulsos nel lóbulu occipital, onde se constrúi la imaxe final.
- La vista tamién se sofita n’otres estructures como los párpagos, les pestañes, la glándula llagrimal y los músculos extraoculares, que protexen y dexen el movimientu del güeyu. Esti sentíu ye esencial para percibir formes, colores, fondura y movimientu, facilitando la interacción cola redolada.
- Fuente: Anatomía Humana – Rouvière; Principios de Neurociencia – Kandel; Fundamentos de Fisiología Humana – Vander.
Fonte: partes del güeyu
