Fonte: LNE /
El calendariu manda. Ye tiempu d’Antroxu. Ésti yá echó a andar col Xueves de Comadres y nun va parar d’equí hasta bien entrao marzu. N’Asturies ye típicu allargar la programación para facilitar a los que suelen participar nos concursos y los desfiles d’amarutes que puedan asistir a cuantos más meyor. Ye un fechu que la fiesta foi a l’alza nos últimos años y los conceyos echen el restu para entamar una programación que guste a tolos públicos y, lo más importante, preste. Porque yá se sabe que la esquiciadura de Don Carnal va frenar en secu cuando tome posesión nel calendariu Doña Cuaresma. Asina que ye momentu de ponese’l mazcaritu y esfrutar de l’axenda antroxera rexonal, amplia y variada, na que nun falten amás certames gastronómicos colos platos típicos de la dómina.
N’Uviéu a lo llargo de los díes 4, 7, 8 y 9 de marzu va tener llugar el Menú d’Antroxu, unes xornaes gastronómiques n’Uviéu que ta entamada pola Conceyalía d’Hostelería, Turismu y Congresos. Equí vas poder esfrutar de repostería típica como: frixuelos, picatostes o casadielles ente otros platos más.
