La conseyera d’Educación, Lydia Espina, acompañada d’Andrés González Bellido, ceador del programa TEI, y del director xeneral d’Inclusión Educativa y Ordenación, David Artime.
El Gobiernu del Principáu empecipió’l desenvolvimientu d’un programa para la prevención de la violencia y l’acoso escolar nos centros educativos públicos y alcordaos. El métodu denomináu Tutoría ente Iguales (TEI)– empieza agora cola formación del profesoráu y va ser obligatoria nes etapes d’Infantil, Primaria y Secundaria, y opcional en Formación Profesional (FP), a partir de setiembre.
La principal singularidá d’esti programa consiste en convertir al propiu alumnáu en tutor de compañeros más nuevos; en concretu, de dos cursos per debaxo. Esa función de padrinazgo ye totalmente voluntaria, pero la esperiencia nos centros que yá apliquen el TEI acredita qu’el 99% del alumnáu de Primaria y el 96% de Secundaria acepta desempeñar esi papel.
“Tamos trabayando pa protexer a la comunidá educativa. Ye una llabor na que tenemos d’implicanos toos y toes. Tou aquel que forma parte de la vida de los centros educativos tien de trabayar na prevención”
El programa adquiríu pol Principáu tien un costu de 151.250 euros. Bellido y el so equipu impartieron en febreru una primer charra formativa a un grupu de representantes del Serviciu d’Inspección Educativa, de los Centros del Profesoráu y Recursos (CPR), del equipu rexonal, orientadores y direcciones de Primaria y Secundaria.
Nesa primera toma de contactu, establecióse’l marcu conceptual del proyectu, presentáronse los materiales y encetóse el procesu d’implantación. La conseyería preve rematar en xunu’l períodu formativu, que va tener nueves fases n’abril y mayu. Amás, en septiembre habrá xuna xornada de bienvenida y de refuerzu de los aspeutos básicos del programa.
El TEI ye un modelu qu’arreya a tola comunidá educativa. Ente los sos oxetivos figuren la meyora de la integración escolar, el fomentu de les bones relaciones ente l’alumnáu y l’aspiración de llograr una escuela inclusivo y exento de violencia física, emocional o psicolóxica.
La *tutorización emocional ente iguales *promueve el respetu, la empatía y el compromisu y el so formatu consigue implicar, nun periodu de solu dos años, a la totalidá de los estudiantes d’un mesmu centru educativu, lo que favorez la inclusión.
La base del *TEI ye eminentemente práctica y sofítase na esperiencia del profesoráu de les distintes etapes. Coles mesmes, el so desenvolvimientu teóricu apigura trés grandes campos de la psicoloxía contemporanea: la teoría de los sistemes ecolóxicos, la intelixencia-educación emocional y la psicoloxía positiva.
Presente en dos mil centros. El programa ta implantáu en dos mil colexos, institutos y centros d’educación especial d’una quincena de países– recibió numberoses reconocencies, ente ellos, un premiu del Ministeriu d’Educación en 2017. Tamién se sometió a delles evaluaciones internes y esternes, que constaten meyores significatives en tolos parámetros analizaos. La más llamativa ye que les situaciones d’acoso detectáronse a tiempu nel 98% de los casos o inclusive sumieron.
La puesta en marcha d’esti programa constitúi un pasu más pa tratar d’erradicar l’acoso escolar, una de les grandes prioridaes del Gobiernu d’Asturies. La Conseyería d’Educación actualizó en trés ocasiones el so protocolu d’actuación pa incluyir los casos de ciberacosu, les conductes qu’atenten contra la orientación ya identidá sexual o pa escuchar les suxerencies de les direcciones de los centros educativos.
Tamién realizó delles campañes informatives pa espublizar el teléfonu d’atención (900018018) gratuitu, anónimu y operativu 24 hores, o’l corréu d’Inspección. Amás, peracaba una aplicación informática propia pa echar voz de incidencies. El Principáu foi pioneru n’enllantar la figura del coordinador de bienestar y protección nel cursu 2021-2022.
