Asina se va convertir el pozu Santa Bárbara de Mieres en «El Xardín de les Delicies» del sieglu XXI. El colectivu artísticu neerlandés «Smack» (formáu polos neerlandeses Tom Meijdan y Thom Snels y l’húngaru Béla Zsigmond.) va esponer la so instalación audiovisual «Speculum», que reinterpreta la obra d’El Bosco.
- L’amuesa va poder vese del 10 d’abril – 13 de xunetu
- Entrada gratuita con inscripción previa para asistir
- L’horariu: de miércoles y vienres, de 16.30 -21 hores, y sábados, domingos y festivos, de 11 – 14 hores y de 16.30 – 21 hores.
- Fonte: LNE /
El pozu Santa Bárbara de Mieres, convertíu dende va unos años n’espaciu espositivu y cultural, va convertise a partir del 10 d’abril en «El Xardín de les Delicies» del sieglu XXI, gracies a una nueva amuesa de calter internacional na que va poder vese la obra «Speculum», una instalación creada pol colectivu artísticu «Smack», formáu polos neerlandeses Tom Meijdan y Thom Snels y l’húngaru Béla Zsigmond.
El proyectu «Speculum» que va poder vese nel antiguu pozu de La Rebaldana reinterpreta l’icónico cuadro «El Xardín de les Delicies» (1490-1500, El Bosco), que’l so orixinal puede vese nel muséu del Prau y que ta consideráu como xuna de les obrar cume de la hestoria del arte. La obra, espliquen dende la organización de l’amuesa, «introduz figures de la sociedá contemporanea, calteniendo la esencia crítica sobre los escenarios distópicos».
La instalación ye «un atanante trípticu de videuarte, que revisita la icónica obra de pintura flamenca al sieglu XXI, convirtiéndola nun espeyu de la sociedá actual».
Estremada en trés paneles, la instalación propón al visitante «un percorríu visual que reflexa distintos escenarios del nuesu presente inmediatu».
- En «Edén», un paisaxe en tonos pastel «remembra un Silicon Valley dixital, onde la tecnoloxía y la hiperconectividad prometen una utopía inmaterial». Sicasí, «oculta una realidá controlada y en constante vixilancia pol poder de grandes corporaciones».
- En «Paraísu», «atopamos a personaxes qu’analayen nun mundu apoderáu pola obsesión cola imaxe, el consumismu y la superficialidá». Esta foi la primer pieza del trípticu creada por «Smack» en 2016, como encargu del Stedelijk Museum de Breda nel marcu del 500 aniversariu d’El Bosco. Más tarde completóse colos otros dos paneles.
- Finalmente, nel panel del Infiernu«, l’espectador «atópase con una visión caótica y violenta, onde los castigos tán directamente venceyaos a los escesos de la era dixital: la sobreexposición en redes sociales, l’adicción a los algoritmos y el control masivu de la información».
La obra zarra con dos grandes pantalles que flanquean el trípticu. Nelles pasien seis personaxes arquetípicos: Big Data, Cyberbully, Dynamo Twins, Crapivore, Egonaut y Mother. Representen dende l’acoso per internet al narcisismu impulsáu poles redes sociales, les cámares de vixilancia o los «trolls» de la rede. La obra, a última hora, esquiza en «en cuestiones como l’aislamientu, el comportamientu de les mases y l’interdependencia nun mundu apoderáu pola tecnoloxía y el consumu».
La esposición foi entamada pol Conceyu de Mieres col comisariado de L.Y.V. (Llaboratoriu d’Electrónica Visual) y la collaboración d’Onkaos, área d’arte dixital de SOLU Contemporary. El colectivu «Smack», con see en Breda, empezó a trabayar en 2005. La so obra foi espuesta en países como Reinu Uníu, Países Baxos, Corea, Brasil, Alemaña, China, Vietnam, Francia y Estaos Xuníos.
La nueva esposición va poder vese hasta’l 13 de xunetu. Va Haber visites empuestes gratuites el sábadu 19 d’abril, el domingu 27 d’abril, el vienres 2 de mayu y el domingu 18 de mayu. Ye necesaria inscripción previa para asistir a estes visites. L’horariu de visita normal ye de miércoles y vienres, de 16.30 a 21 hores, y sábados, domingos y festivos, de 11 a 14 hores y de 16.30 a 21 hores.
