- Alborecemos con nubes ya claros o abancios, tando más nuboso na cordelera y fastera más ocidental con unes temperatures que tan alrodiu de los 6ºC, rexistrándose nel puirtu Payares 1,9ºC.
- Güei vamos tener un día sele col cielu empuercáu de nubes altes que nun impedirá que la llume del sol calezca l’ambiente al mediudía anque na cordelera la nubosidá sedrá más abondosa y soplará dalgo l’aire ábrigu.
- Mañana miércoles seguiremos baxo la influencia del vientu ábrigu que fadrá que suban les temperatures , amás moderadamente, tantu les mínimes como les másimes, nel cielu seguirán les nubes altes entemcies ente dellos claros o abancios y l’aire pue soplar cafiante na cordelera.
- El xueves aumentará la nubosidá cola llegada d’un frente que mos dexará precipitaciones pela tarde, amás l’aire ábrigu arreciará con raches mui fuertes en zones altes de la cordelera. Les temperatures col frente baxarán dalgo pero pola mañana sedrán mui altes.
- El vienres tará nuboso con dalguna precipitación na cordelera y anque l’aire ábrigu amenorgará dalgo seguirá soplando molestu nes zones altes con unes temperatures qu’anicien un descensu.
- Y paez que la fin de selmana va tar dalgo revuelto con xarabatos, descensu de les temperatures y dalgo de nieve nes montañes.
