- Alborecemos con nubes ya claros o abancios ya con unes temperatures que tan alrodiu de los 6ºC, rexistrándose nel puirtu Payares -1,2ºC
- Güei vamos tener una mañana seliquina anque a patir del mediudía dirá aumentando la nubosidá pa dexanos precipitaciones pela tarde con unes temperatures en descensu ya cola nieve que surdira anicialmente perriba de los 1400m, baxando al finar el día a los 1000m. L’aire sedrá de componente norte con raches moderaes pela tarde en zones altes ya en puntos del llitoral.
- Mañana xueves vamos tener xarabatos intermitentes, ente febles ya moderaos que sedrán en forma de nieve na cordelera perriba de los 800m, baxando al finar el día a los 600m con unes temperatures en descensu bultable ya col aire de componente norte con raches moderaes en zones espuestes.
- El vienres seguiremos baxo la mesma situación de vientu de componente norte-nordés que mos apurrirá xarabatos intermitentes ente febles ya moderaos, nevaes pela cordelera qu’a primeres hores puen dase sobre los 500m, pa subir dalgo nes hores centrales del día a los 700-800m con unes temperatures que siguen baxando llixeramente.
- El sábadu pela mañana vamos tener una pequeña tregua col cielu poco nuboso y xelaes nes zones favoretibles colo que les temperatures mínimes baxarán moderadamente. Ya pela tarde aumentará la nubosidá y tornarán les precipitaciones que sedrán febles en xeneral y de nieve perriba de los 700m pudiendo baxar de nuevu a los 500m durante’l riscar y alborecer del domingu anque sin malpenes precipitaciones con unes temperatures que siguen en descensu.
- El domingu vamos tener intervalos nubosos entemecios ente dellos claros o abancios pela mañana, aumentando les nubes a partir del mediudía y con xarabatos pela tarde que volverán a ser de nieve en cotes baxes, alrodiu de los 700m quedando l’aire sele ya varible ya con unes temperatures que van camudar poco con ambiente fríu ya ivernal.
