- Alborecemos col cielu nuboso y unes temperatures que tan alrodiu de los 9ºC, rexistrándose nel puirtu Payares 0,6ºC.
- Güei van dir dixebrándose les nubes pa dexanos el cielu con grandes claros o abancios por mor del vientu nordés que dirá coyendo fuercia a lu llargu la mañana pa ser cafiante nel llitoral, onde la sensación térmica sedrá desagradable con unes temperatures que van camudar poco, dandose les mínimes al finar el día.
- Mañana xueves vamos tener un día mui asemeyáu con predominiu de los grandes claros o abancios, vientu nordés pela costa y temperatures mínimes en moderáu descensu ya con unes másimes que van camudar poco quedándose ente los 13-15ºC.
- El vienres l’aire sedrá más de norte y amenorgará dalgo, empobinándonos nubosidá baxa a la metá norde d’Asturies con unes temperatures que nun variarán gran cosa.
- La fin de selmana, tovía nun ta claro si seguiremos con esa corriente de norte anticiclónica que mos dexaría nubosidá estratificada na mayor parte d’Asturies o l’anticiclón garrará terrén pa dexanos el cielu poco nuboso y un ascensu de les temperatures, yá lu diremos viendo.
