«Muncho precuru col vientu»
- Alborecemos col cielu nuboso ya con raches fuertes de vientu ábrigu, sobre too en zones de montaña onde algamen los 100km/h con unes temperatures que tan alrodiu de los 12ºC, rexistrándose nel puirtu Payares 1,5ºC.
- Güei vamos tener nubosidá abondosa con precipitaciones persistentes ya moderaes na cara sur de la cordelera que sedrán de nieve perriba de los 1700m, baxando al finar el día a los 1200m. Nel restu mos afeutarán solo nes hores centrales del día quedando poco nuboso pela tarde con unes temperatures en descensu ya con raches mui fuertes de vientu ábrigu que pue sobrepasar los 100km/h en zones espuestes.
- Mañana domingu tendremos un día más seliquinu amenorgará l’aire, tendremos nubes ya claros nel cielu y solo s’esperen precipitaciones disperses na cordelera que sedrán de nieve perriba de los 1300m, onde la nubosidá de retención sedrá más abondosa con unes temperatures que siguen baxando.
- El llunes tendremos más nubosidá pero poques posibilidaes de precipitaciones con unes temperatures que van camudar poco. Y paez qu’alrodiu del xueves podemos tener una iverniza dalgo más seria pero esto yá lu diremos viendo.
