- Alborecemos con nubosidá estratificada na fastera central asturiana, tando poco nuboso o escampláu nel restu con unes temperatures que tan alrodiu de los 7ºC, rexistrándose nel puirtu Payares -0,5ºC.
- Güei dirá n’aumentu la nubosidá baxa na metá norte d’Asturies, sobre too al finar el día cuando pue cayer dalgo d’orpín. Na cordelera y fastera surocidental va tar poco nuboso o escampláu con unes temperatures que van camudar poco, calteniéndose un ambiente seliquino al mediudía.
- Mañana sábadu dirán dixebrándose les nubes pa abrise grandes claros o abancios con un ascensu de les temperatures, tantu les mínimes como les másimes, sicasí l’aire nordés o de la cuaresma dirá coyendo puxu nel llitoral y zones espuestes pa quedar cafiante y baxanos la sensación térmica.
- El domingu va tar más escampláu en toa Asturies anque l’aire la cuaresma seguirá presente na costa con unes temperatures másimes que siguen subiendo mentantu les mínimes baxarán por mor de la escasa nubosidá.
- El llunes tendremos un día mui primaveral con unes temperatures al mediudía que puen algamar los 20ºC en amplies zones d’Asturies col cielu poco nuboso o escampláu.
