- Alborecemos col cielu poco nuboso o escampláu ya con unes temperatures que tan alrodiu de los 5ºC, rexistrándose nel puirtu Payares 0,4ºC.
- Güei vamos tener escasa nubosidá, sicasí dalgún estrato alrodiu de los cordales del llitoral emburriaos pol vientu nordés que va soplar cafiante nes hores centrales del día pela costa y zones espuestes con unes temperatures másimes que subirán ellí onde tenemos al abellugu d’él.
- Mañana vienres va entrar dalgo de vientu norte en superficie faciendo que se nuble’l día con nubosidá estratificada. A últimes hores pue dexar dalgo d’orpín na fastera central asturiana, tando más escampláu hacia la cordelera y fastera surocidental d’Asturies con unes temperatures que van camudar poco.
- El sábadu torna l’aire la cuaresma, dixebrando les nubes pero baxando tamién la sensación térmica, sobre too nel llitoral onde va soplar cafiante. Les temperatures mínimes subirán por mor de les nubes, mentantu les másimes van camudar poco.
- El domingu va tar más soleyeru con escasa nubosidá con unes temperatures condicionaes pol vientu nordés nes zones espuestes, onde seguirá soplando cafiante faciendo baxar la sensación térmica, mentantu ellí onde tenemos al abellugu d’él l’ambiente sedrá afayaizu.
